Zr.Ms. Groningen a interseptá kasi 1.000 kilo di cocaina, durante 2 captura di droga den Region Karibe Hulandes. Esei a sosede ya caba riba dianan 11 y 12 di September ultimo, pero awe numa a keda publica. Durante prome captura e sospechosonan a entrega nan mes numa despues di tironan di atvertensha.
Den ambos caso Zr.Ms. Groningen a keda informa pa un avion di patruya Mericano tocante e go-fastnan sospechoso. Riba esaki e boto rapido di intercepcion FRISC a drenta accion. Na bordo di esaki tabatin no solamente tripulacion di Groningen, pero tambe un delegacion di ‘US Coast Guard’ Warda Costa Mericano.
Durante e prome accion e sospechosonan no tabata kier a entrega nan mes facilmente. Esaki a sosede numa despues di tironan di atvertensha. Durante e di dos accion esaki no tabata necesario. Tur e sospechosonan ademas di e total di mas o menos 985 kilo di contrabanda, a keda entrega na e Mericanonan. Nan lo sigui cu e persecucion legal.
Barku patruyero
Zr.Ms. Groningen for di mei 2023 ta activo den Region Caribe Hulandes como barco di patruya. E barco di Marina Hulandes entre otro ta keda desplega durante di operacionnan anti droga. Esaki e ta hasi hunto cu Warda Costa Region Caribe Hulandes y Warda Costa di Estados Unidos di Merca.