E fragata Hulandes Zr.Ms. Groningen a pisca un enorme cargacion di droga den Caribe. Den un boto di piscado, nan a bin discubri dos mil kilo di cocaina. E droga tabata tin un balor di mas of menos 100 pa 140 miyon di Euro.
Comandante de zeestrijdkrachten, Rob Verkerk, a divulga e intercepcion awe mainta via Twitter. Cinco sospechoso cu tabata abordo den e boto di pesca caminda cu e droga tabata scondi, a wordo pasa pa Guarda Costa Mericano. Un avion di patruya Mericano, a spot e boto di pesca y a duna señal na e fragata Hulandes.
Despues di dies ora buscando e droga
Un boardingteam Mericano cu tabata abordo di e barco Hulandes, a subi e boto sospechoso y a bolter esaki. Despues di a busca 10 ora, nan a bin haya e droga den un compartimento scondi. E buscamento di e droga mester a sosode lihe, pasobra e motor di e boto a daña y awa tabata drentando e boto. E embarcacion a sink no mucho rato despues.
Intercepcionnan anterior
Zr.Ms. Groningen a intercepta na Juni tambe un carga di 400 kilo di cocaina durante patruya den awanan rond di Sint Maarten, Sint Eustatius y Saba den Caribe.
Na Comienso di September, e barco di patruya a stroba un transporte di droga, caminda cu 300 kilo di cocaina a disparce den fondo di lama. E ultiom biaha cu marina a intercepta 1000 kilo di droga den Caribe, tabata na October 2013. E tempo ey 1450 kilo di cocaida tabata na caminda pa Republica Dominicana.
Fuente: RTL Nieuws