Den un entrevista sra. Marila Solognier, coordinadora di departamento di Gezondheidsvoorlichting en Opvoeding GVO a indica cu e departamento di GVO ta un departamento nobo cu ta existi pa 7 aña.
Un otro departamento di cuido ta Stevigouderschap, esta mayor firme of fuerte. Esaki ta un departamento cu ta bay serca e mayor cu a caba di duna lus, pa brinda apoyo y soten den educacion y cuido di e yiu of yiunan.
Otro departamento ta esun di mama hoben, unda ta brinda guia y sosten na e mama hoben.
Kraamzorg ta pa duna cuido ora e baby sali di hospital, guia pa mayor di baby recien naci.
Tambe tin e departamento di dietista cu ta brinda guia na e adulto y mayor di un baby di mas o menos 1 aña y mey. Ta brinda cuido dental, ta duna guia y conseho tocante e nutricion di e yiu.
E guia ta cuminsa na e departamento di kraamzorg, despues e mama ta bin consulta di baby na WGK. E dr y enfermeronan ta brinda guia y conseho pa e yiu te cu 4 pa 5 aña.
E mayornan ta ricibi un invitacion na cas pa WGK tira un bista riba e desaroyo y crecemento di e yiu.
Si ta necesario WGK por referi un mayor na un otro instancia manera Fundacion pa nos muchanan of telfoon 161, cu ta duna e mayor conseho y tipsnan valioso con pa educa nan yiunan.