SANTO DOMINGO, Republica Dominicana- Diahuebs 21 di September, e poderoso horcan Maria a bolbe haya forsa, segun Associated Press. Di acuerdo cu e agencia, e ciclon a bira un categoria 3 cerca di Republica Dominicana.
Segun e comunicado di e Centro Nacional di Horcan Mericano (National Hurricane Center) e bientonan maximo di Maria a aumenta na 185 km/h, cu rafaga mas fuerte. E mensahe a adverti riba posibel fortalecimento pa 21 y 22 di September.
Actualmente e ciclon ta na 900 km noord di e localidad di Punta Cana, na Republica Dominicana y na 380 km zuid-oost di Turks & Caicos (Britanico).
E centro di Horcana a adverti cu e peliger di horcan ta na vigor pa e teritorionan aki, agregando cu Maria ta avanza pa direccion noord-oost cu’n velocidad di 15 km pa hora.
Fuente: https://actualidad.rt.com