Willemstad Curacao: Djabièrne 31 di mei 2024 alrededor di 23.43’or, Sentral di Polis a risibí yamada
ku na un adrès Reigerweg bisiñanan a tende un dama ta grita pa yudansa.
Mesora a dirigí un unidat polisial na e sitio.
Na su yegada, el a bin topa personal di ambulans tratando un víktima
maskulino ku a risibí tiru for di un arma di kandela.
Kontinuando ku e investigashon a bin sali na kla ku e hòmber aki tabata sinta
ku su pareha den balkon patras di nan kas na momentu ku nan a tende un
zonido.
E hòmber a lanta bai wak ta kiko i djis un ratu despues e dama a tende un tiru.
Mesora despues el a wòrdu sorpendé pa tres hòmber den kas di kua unu di
nan ku kara tapá i ku hanskun bistí, a bini riba dje.
Bou di menasa ku arma di kandela e hòmber aki a obligá e dama habitante pa
entrega sèn i yabi di outo.
Despues di a buska rònt den e kas, e hòmbernan aki a bandoná e kas ku e outo
di e viktima. un outo di famia di marka Chevorlet modèl Beat koló oraño
numerá B/36-0.
Personal di ambulans a trata na reanimá e víktima, pero sin e resultado deseá.
Na e kas mes algun ratu despues, dòkter di polis a konstatá morto di e hòmber
Antonius Johannes Maria Hendrika Brood nase na Hulanda di 49 aña di edat.
Polis ta konsiderá e kaso aki unu hopi serio i brutal. E último kaso di e índole
aki a tuma lugá for di luna di mei 2019 i no ta pèrmití ni tolerá e situashonnan
aki den nos komunidat kontra ningun siudadano.
Si tin kualke persona ku tin informashon di e kaso, tuma kontakto ku polis na
917 of e liña anonimo 108.
Investigashon den e kaso aki ta kontinuá.