AVP a intensifica su campaña electoral den e ultimo simanan, despues di e ricibi e golpi formal di e veredicto di Corte Comun di Benny Zievinger. Mike Eman y AVP a keda scondi y mudo pa basta tempo pasobra destino a pasa nan un veredicto historico y inconfundibel; Benny ta culpabel y AVP ta brasa y keda celebra corupcion. Mike Eman e maestro den manipulacion, a sali riba un campaña gritando fabula y storia falso cu ta keda demostra e falta di esencia, moral y mentalidad di AVP. Ora argumento y “sentido comun” ta caba, Mike Eman y AVP ta fabrica storia pa trata na lijm nan ego y partido fractura.
Sentencia di Hues
Naturalmente ora cu e resultado final di e votonan a drenta, Mike Eman no a keda contento y a cuminsa un campaña di “fraude electoral.” AVP a hiba e caso corte, sinembargo Hues a analisa tur cos y a yega n’e conclusion cu tur cos a bay segun ley. E ora ey hues a duna e veredicto pa tur stembiljet keda kima segun e tempo specifica den ley di Kiesverordening. Aki nos por wak e “Rechterlijke” macht a tuma su decision despues di haci investigacion y a yega na e conclusion cu tur cos a bay di un forma veridico.
Splicacion di directora di Censo Sra. Luidens
Directora di censo, Sra. Luidens, tambe a duna entrevista den prensa y a splica pueblo henter e proceso den placa chikito. Segun sra. Luidens tur cos a bay segun ley y no a haci nada diferente di e otro eleccionan. Sra Luidens; “Na 2009 e haci mescos, na 2013 tambe, na 2017 tabata mescos y na 2021 no a desvia di e proceso di ley.”
Articulo 87 di Kiesverordening 2013
E ley di Kiesverordening, articulo 87 ta duna instruccionan cla con e proceso di e resultadonan mester wordo trata. Na ningun momento a desvia for di e ley. Aki mi ta comparti e articulo 87 pa henter pueblo por lesa y compronde pa su mes cu tur cos a bay conforme ley:
De voorzitter doet terstond het proces-verbaal ter zitting van het hoofdstembureau bij het Bureau Burgerlijke Stand en Bevolkingsre-gister voor een ieder ter inzage nederleggen.
Hij vernietigt, nadat het hoofdstembureau de uitslag der ver-kiezing heeft vastgesteld en over de toelating der gekozenen is be-slist, de verzegelde pakken.
Na afloop van de tijd waarvoor de verkiezing is geschied, ver-nietigt hij, desgewenst, de processen-verbaal der stembureaus.
Van de vernietiging ingevolge het tweede en derde lid wordt
proces-verbaal opgemaakt.
E strategia di AVP: E Gañamento Comun
No ta un secreto cu AVP ta hiba un politica riba gañamento, aunke tur evidencia den prensa, documento, veredicto di hues y profesionalnan ta duna un splicacion contrario di Mike Eman y AVP. Mike Eman ta un lider den desesperacion y ta dispuesto pa haci cualkier cos pa “lijm” su partido cu ta brasando corupcion. Mike, bo mentiranan baho ta parti di bo filosofia “E Bon Comun?” Yama hues, OM, landsrecherche, polis pa corupto ta parti di bo “Bon Comun?” Brasa corupcion ta parti di e “Bon Comun?” Nos sa e contesta caba!
Si pueblo desea mas informacion di e articulo aki, contact mi na tel: 528-4639 of email mi na: [email protected] / Bo parlamentario y sirbidor di pueblo na bo ordo semper!
