Durante casi mey milenio, e proyeccion cartografico di Mercator tabata e norma basico a lo largo di mundo.
E mapamundi tradicional ta distorsiona e tamaño real di e continentenan y door di esey, hopi di e paisnan, segun un cientifico Britanico cu ta ofrece un mapa cu proporcionnan corecto di e nacionnan, region y continentenan.
Durante casi mey milenio, e proyection cartografico di Mercator tabata e forma basico pa mundo henter, presente semper den e murayanan como den klasnan na scol.
E version aki a wordo diseña na 1569 pa e matematico, geografo y cartografo Flamenco Gerardus Mercator. Su proyeccion cartograficao tabata mas cu tur otro cos, un tool di nabegacion, di gran utilidad pa e rutanan colonial. E tabata wordo hopi uza durante e siglonan despues den cartanan nautico door cu e tabata permiti pa proyecta e rutanan como liñanan recht y sin interupcion.
Den e proyeccion di Mercator, e paisnan cu ta mas leu di e equator ta parce di ta mas grandi di loke nan ta en realidad, specialmente den e hemisferio norte. Sin embargo, e visualicion realisa pa Neil Kaye, un cientifico di datonan climatico di e Servicio Meteorologico Nacional di Reino Unido, e tamaño di e nacion y regionnan manera Rusia, Canada, Merca of Scandinavia ta reduci drasticamente.
Animating the Mercator projection to the true size of each country in relation to all the others.
Focusing on a single country helps to see effect best.#dataviz #maps #GIS #projectionmapping #mapping pic.twitter.com/clpCiluS1z
— Neil Kaye (@neilrkaye) October 12, 2018
Un otro ehempel ta Groenlandia, cu riba algun mapa por yega na tin un tamaño parecido na esun di Africa, a pesar di cu e ta 14 biaha menor. Den e trabao di Kaye, por aprecia cu Spaña, Mexico, Argentina y Chile tambe ta krimp considerablemente.
Neil Kaye a crea e animacion ingresando den e datonan di Servicio Meteorologico Nacional Britanico den Ggplot, un pakket di visualisacion di dato pa e lenguahe di programacion estadistico. “Esaki ta demostra cu no por bolbe pone e figuranan den un circuito una bes cu pone nan riba un superficie plat”, el a splica riba su cuenta di Twitter.
E cientifico ademas a pone riba red social un mapamundi cu “e tamaño y formanan corecto di e paisnan, y e superficienan di e nacionnan mas grandi (riba e mapa, na di dos luga ta aparece e continente Antartico), representa den bloknan di 1 miyon km2 cada uno.