CIUDAD DE MEXICO, Mexico- E dirigente ta huramenta como e mandatario constitucional number 65 den historia di e pais Norteamericano.
Andres Manuel Lopez Obrador a ricibi e banda presidencial den parlamento for di man di e presidente di e Mesa Directiva di Camara di Diputado, Porfirio Muñoz Ledo y di e forma aki ta bira den e flamante mandatario di Mexico, cual huramentacion tabata stipula pa 11 or di mainta (hora local). Prome, e presidente saliente Enrique Peña Nieto, cu a caba di regresa di G20 pa cede mando, a entrega e banda tricolor pa concreta e transicion.
Durante e acto di asuncion, López Obrador a expresa cu na Mexico den e ultimo 36 añanan, “ corupcion a predomina” y a agrega cu esaki a transforma “e principal funcion di poder politico”. Den e liña aki, el a afirma cu si e mester defini su futuro gobierno den un solo frase, esey lo ta “E plan di e gobierno nobo ta di caba cu corupcion y impunidad”.
Den su discurso na e nacion, López Obrador a afirma cu “e crisis di Mexico a origina no solamente pa e fracaso di e modelo economico neoliberal aplica den e ultimo 36 añanan, sino tambe pa e predominio den e periodo aki di e corupcion priva y publico mas grandi “, cu el a priminti di eradica durante su presidencia.
Despues di ceremonia, e hefe di estado lo dirigi den su auto particular te cu e Palacio Nacional, ubica riba e Plaza di Constitucion, tambe yama Plaza del Zocalo, na Ciudad di Mexico. Despues ta sigui e recepcion di dirigentenan mas importante di mundi, manera rey Felipe VI di Spaña, vice presidente di Merca, Mike Pence y e presidente di Colomb ia, IVan Duque, cu lo acudi na e establecimento gubernamental.
Sin embargo, e momento mas spera pa e siguidonan di AMLO lo ta dia 17, ora cu e politico lo duna su discurso desde e balcon di Palacio Constitucional, dilanti ciudadanonan cu lo congrega riba e plaza pa skucha nan lider nobo.