Director di DOW, Sr. Marlon Croes, a splica cu e lusnan di caya riba Linear Park for di Wilhelmina Park te cu Talk of the Town ta bou di beheer di DOW. E ta un sistema nobo cu a wordo introduci cu tin hopi led lights. esaki a bin ta dunando basta dolor di cabes, ora cu awa yobe. Tambe tin basta problema cu e calidad di trabao cu a wordo duna na cierto momento, pasobra tin diferente cabelnan gedal door di e contratista cu e trah’e pero tambe door di trabaonan cu a tuma luga despues di e entrega di e proyecto cu ta causa corto circuito ora cu awa yobe.
Asina por bisa cu a pone tur lus bek den funcion, cu excepcion di esun dilanti di Plasa Boy Ecury, cu permanentemente cu no ta sende. Den cuadro cu e adornonan di Pasco lo bay revisa e instalacion di esaki tambe pa por pone bek den funcion.
E mantencion ta cay bou di DOW. A check e bombiyo pa wak si esey ta e problema y a pidi Brandweer pa duna un man, cu nan hoogwerker. Pero ta e mast mes lo tin di baha pa drecha esaki por completo. Pa loke ta rotondenan nobo, tin esunnan cu ta den Green Corridor cu tin nan iluminacion. Esunnan cu ta bou di construccion, no tin instalacion ainda di coriente. Temporalmente ta pone lighthousenan aki pa ilumina e rotonde, pero esakinan ta blind e automobilistanan tambe. Pa es motibo aki MOTTA den e caso aki, a haci cambio ariba e rotonde di Hospital y Super Food lo wordo cambia pa otro luz. Algun di e luznan ta cay bou di Elmar, y otro nan ta cay bou di DOW pa cual Sr. Croes a splica cu ariba Linear Park tabata luznan decorativo, cual Elmar a bisa di no ta interesa den esakinan. Y ultimo tempo Elmar a laga sa di ta receptivo y lo kier sinta cu DOW pa evalua y bou ki condicionnan lo transfer esakinan pa Elmar, segun director di DOW, Sr. Ing. Marlon
Croes.