LAS VEGAS, Merca- E “mansion” di Las Vegas caminda cu Juan Gabriel a traha ariba su musica, a comparti tempo cu amigonan manera Michael Jackson, a wordo poni na benta cu e deseo explicito di e compositor pa e wordo cumpra pa un famia Hispano.
Conoci como “E Mansion di Jaun Gabriel”, e cas ta situa na Pinto Lane 2801. E propiedad ta midi 23 mil pia cuadra, mas di binti camber y un cantidad similar di bañonan.
E compleho tin tambe un restaurant y un discoteca subteraneo unda cu, segun amigonan di e artista, Juan Gabriel tabata ricibi “E Rey di Pop, Michael Jackson” cu frecuencia.
“Probablemente lo yega un persona cu lo balora no solamente e caracteristicanan propio di e luga di 1.14 hectarnan, sino cu ademas compronde e valor di tur e memoria cu tin paden”, Pablo Castro, amigo personal di Juan Gabriel, a bisa.
“Den e cas tin mueblenan, decoracion y tin hasta un caha fuerte cu Juan Gabriel a laga atras. Hopi di e cosnan aki ta keda pa e cumprado nobo”, segun Castro, cu a bisa cu ademas e tabata na altura di e henter e renobacion di e propiedad.
E mansion a wordo adkiri na 2014 pa un inversionista cu, según documentonan publico, mester a paga rond di un miyon dollar y despues miles y miles di dollar atrasa den materia di impuesto, pa por a cuminsa un renobacion di rond di 2 miyon dollar.
Awendia, e propiedad ta balora na 4 miyon dollar, no solamente door di e construccion, espacio y tereno, sino tambe cu e prijs ta inclui e balor di e pertenencianan y recuerdo di e artista, cu ta bin cu e “pakete”.
Fuente: https://www.infobae.com