Diahuebs, merdia entre 2 or pa 7 or di anochi a tuma e luga e referendum na Caribbean Mercantile Bank, cual a sali na fabor di FTA.
Despues di algun siman di diferencia di opinion entre gerencia di CMB y sindicato FTA, pa cual hasta un campaña di whatsapp a wordo activa cu number di telefon di Hulanda, pa informa e trahadonan cu no ta necesario pa nan vota, ya cu nan por tene pleno confianza den CMB. Pero diahuebs atardi, e resultado a demostra otro. Un total di 125 trahado tabata tin derecho di voto, cual 122 a vota na fabor di sindicato FTA.
FTA ta considera esaki un triunfo hopi importante. E ta demostra cu trahadonan kier haya nan derecho pa cual nan ta para pe.
Mas informacion lo sigui den transcurso di dia di diabierna.