CARACAS, Venezuela – E proximo protestanan convoca door di oposicion Venezolano por ta mas repugnante di loke a sosode diariamente desde seis siman pasa, pues e manifestantenan ta prepara pa tira sushi humano riba forsanan di siguridad hunto cu piedra y bomnan molotov.
E tactica nobo aki a wordo yama “bomnan puputov”, den un wega di palabra cu ta haci referencia na e molotov cocktail, un bom incendiario cu, cu frecuencia ta wordo uza den protestanan cayehero rond mundo.
“Nan cu gas, nos cu sushi,” e convocatorio di e “marcha de la m…,” ta señala, cu ta cirula riba e rednan social y den gruponan di WhatsApp di Venezolanonan.
Den e gruponan ey a bira viral mensahenan cu ta duna instruccion paso pa paso y consehonan riba con pa prepara cocktailnan Puputov. Algun ta insisti den evita containernan di glas pa sigura cu e proyectilnan solamente ta humiya e forsanan di siguridad na luga di herida nan.
Cu e inflacion mas halto di mundo, escses di alimentonan basico y medicamento, Venezuela ta enfrenta un di su crisisnan mas profundo. Durante simannan largo, cientos di miles di persona a subi caya cu rabia pa protesta contra e Gobierno di e impopular presidente Nicolas Maduro.
E idea di tira sushi, tanto di animal como humano, a wordo critica pa algun opositor cu ta nan ta considera inadecuado pa ta ahigienico.
Hopi ta wak e ta tactica aki como inadecua ante e temor di enfermedad of infeccionnan, mey mey di un profundo escases di medicamento, mescos cu e insuficiente suministro di habon di uzo personal y desinfectante.
“E hobennan ta sali solamente cu piedra den man. Ta un arma. Awo nan tin un otro arma mas: sushi,” un odontologo di 51 aña a bisa, mientras cu e tabata prepara containternan cu sushi na su cas pa e manifestantenan tira contra polis y Guardia Nacional.
Fuente: NTN24