LONDON, Inglatera – Varios miles di manifestante a congrega e anochi di dialuna dilanti Parlamento Britanico pa protesta contra e bishita di estado anuncia di e presidente Mericano Donald Trump anuncia pa medionan.
Gruponan di manifestante cu tabata hiba borchinan cu e slogannan “Ban resisti Trump,” tabata wordo entona den coro. “Trump ta bon bini pa bishita e Estado?…. No!”.
Otro borchinan mas contundente, ta resa “Uni contra e demoño y e idiotanan.” Mas di 1.8 miyon di persona a firma un peticion online pa e biahe di Trump no ta un bishita di Estado, cu e obhetivo di evita e reina e “berguensa” pa reuni cun’e, como e protocol ta manda.
“Mi tey awe pa defende e respet di e derechonan di e hende muhe,” Maya del Campo, un empresario di origen Frances, cu residencia alterna entre London y Barcelona.
Presidente Trump “ta promove politicanan racista, banalisa riba racismo, e misoginia y islamofobia,” Benjamin Kari, un studiante Mericano di 24 aña a bisa.
E marcha a wordo organisa pa “Stop Trump Coalition”, e organisacion “One day without us”, cu ta pugna pa e solidaridad pa e migrantenan di Reino Uni.
Esaki ta e di tres manifestacion den tres siman na London contra e bishita proyecta di e presidente Merican. E prome, dia 30 di Januari, a convoca decenas di miles di manifestante y e di dos na comienso di Februari cu mas of menos un 10 mil persona.
E marcha di dialuna a coincidi cu e sesion di Parlamento caminda nan discuti riba e pertinencia di cualifica e bishita na un nivel asina halto.
Fuente: NTN24