CARACAS, Venezuela – Manifestantenan opositor na Maracaibo, estado Zulia, a wordo reprimi cu bomnan lagrimogeno ora cu nan tabata dirigi na e oficina di e gobernador, Francisco Arias Cardenas pa entrega e mesun comunicacion cu e Mesa de la Unidad Democratica (MUD), ta dirigi, ta pretende di entrega na Caracas, un convocatorio na e Asamblea Nacional “Constituyente (ANC), na e minister di Educacion Elias Jaua.
E diputado Juan Pablo Guanipa a denuncia atrabes di su cuenta di Twitter, cu polis estatal y Guardia Nacional Bolivariana (GNB) a ataca e ciudadanonan ora cu nan tabata cerca di e pikete di siguridad sin conversa of dialoga prome cu nan.
E mobilisacion tabata poni pa cuminsa na e Palacio de los Condores te na e oficina di e gobernador Arias Cardenas.
Den e estado Merida tambe a presenta contingencianan pa e manifestantenan, kendenan a marcha den e centro di ciudad cu destino na e sede di gobernacion, pero nan a wordo reprimi cu bomnan lagrimogeno y perdigon, segun usuarionan di Twitter a denuncia.
For di e estado Carabobo opositornan a concentra den e avenida Bolivar Norte, desde unda nan a sali for di Procuraduria na Guaparo, unda nan a entrega e mesun documento na e institucion.
Na Yaracuy y Tachira tambe nan a mobilisa cu motibo di entrega un documento, sin embargo, a wordo obstaculisa pa siguridad.
Dialuna, MUD a convoca un marcha pa e sede di Ministerio di Educacion, despacho di Elias Jaua, tambe presidente di e comision presidencial pa ANC, pa rechasa e invitacion cu esaki a haci na e oposicion pa participa den e debate.
Jaua dialuna a reuni cu diferente partido politico pa debati e iniciativa di Presidente Nicolas Maduro.
Fuente: El Universal