CARACAS, Venezuela- E manifestacionnan di oposicion diabierna a traslada pa e prizonnan unda cu e “presonan politico” ta cera pa exigi nan liberacion.
E marcha mas grandi cu a bolbi paralisa Caracas, unda diputadonan opositor a recore 7 km te yega Ramo Verde, e prizon militar unda cu Leopoldo Lopez, un di e lidernan mas prominente contra di e gobierno di Nicolas Maduro.
Aunke e camindanan principal pa yega na e prizon a wordo cera, e marcha a logra yega sin cu tabata tin episodionan violento di e dianan anterior.
E fin di siman aki ta cumpli un luna cu e ultimo lunanan di protesta, e balance di e autoridadnan pa loke ta hechonan lamentabel ta di casi 30 fayecido y mas di shen herido.
Gobierno ta insisiti cu e protestanan ta impulsa pa teroristanan cu ta busca pa dal un golpi di estado.
Oposicion Venezolano ta exigi pa eleccionnan presidencial wordo realisa e aña aki.
Personanan contra di e gobierno di Nicolas Maduro ta argumenta cu el a kibra e orden constitucional y ta acus’e di blokea e realisacion di un referendum revocatorio na 2016.
Di su banda, e presidente di Venezula a acusa e movilisacion opositor di “golpista” y “terorista”.
Medionan di prensa local a raporta cu gruponan Chavista tambe a concentra na diferente puntonan di Venezuela.
Diadomingo ultimo, Maduro a invita oposicion di retoma e negocacionnan pa despues “nan no keha”.
Diahuebs pasa, e Parlamentarionan opositor “a cera tur posibilidad di dialogo” cu e gobierno despues di lunanan di dialogo sin resultado cu gobierno y contactonan di mediacion di Unasur.
Fuente: Reuters