Miles di persona na Italia a participa den manifestacionnan di derecha y otronan contra di racismo convoca pa gruponan di iskiera, den varios ciudad di e pais. Ta falta un siman pa eleccionnan parlamentario tuma luga.
Na Milan, Roma y Palermo ta teme cu por bin enfrentamento entre manifestantenan di e dos gruponan aki.
Na Roma, e capital di Italia, e manifestacion contra di racismo tabata rondona door di un dispositivo grandi di siguridad. Den e marcha a participa e prome minister, Paolo Gentiloni y su predecesor, Matteo Renzi, ambos social democrata. Un total di 20 mil persona a asisti na e marcha.
Tabata tin controlnan tambe di polis riba e Piazza del Duomo di Milan, caminda ta celebra e convocacion pa e lider di e partido ultraderechista La Liga (antes Liga Norte), cu a conta cu asistencia di 50 mil persona.
Salvini ta e figura central di e coalicion di derecha di e ex prome minister Silvio Berlusoni, cu ta encabesa e encuestanan cu 36% di intencion di voto. Berlusconi no por presenta su mes como candidato debi na un condena pa fraude fiscal.
Ainda no ta mucha cla si algun coalicion of partido lo logra un mayoria suficiente pa goberna den e eleccionnan di 4 di Maart.
Fuente: http://www.ambito.com