Despues di 2 aña cu e accidente tragico a sosode, unda e hobencita Zinnia Croes, a perde su bida, a dicidi pa haci un manifesto pasivo awe, dialuna 5 di Juni pa 4:30 pm di atardi. E meta ta pa entrega un carta di preocupacion con henter e asunto aki a cana, cu sigur no tabata esun mas profesional y husto.
Na diferente manera a purba di haya atencion di autoridad pa e asunto aki, pero lastimamente no ta logra y recientemente durante un rueda di prensa, famia a boga pa Ministerio Publico duna e carta, unda ta pone e conclusion di e caso, pero te dia di awe, nada.
Den nomber di e mayor-, famia y amistadnan nos ta haci un peticion na un y tur, pa bin sostene nan den e manifesto pasivo aki, awe tardi. E manifesto ta sali 4:30 pm for di Cas di Gobernador dilanti West Deck y ta pidi pa bisti t-shirt biña.