Cuerpo Policial a haya un peticion formal pa un permiso pa un manifestacion, di parti di un grupo di Venezolano den un apoyo di un otro grupo na Venezuela, mirando e ultimo desaroyonan. Alto Comisario, Sr. Andrew Hoo, ta splica.
Los di esey tin un otro grupo cu a bay e caminda normal, caminda nan a acerca Paseo Herencia, pa nan tin un manifestacion. Sr. Hoo a splica cu e manifestacion ey no ta deseabel, mirando cu e ta den curason di nos area turistico, y pa evita cu si algo bay for di man, no ta un bunita bista pa nos turistanan, pa si polis mester actua.
Promotor di evento, Sr. Luis Zarraga a splica cu e no tabata un manifestacion contra di e pais, pero mas bien un evento pa recorda 23 di januari 1958, cu e caida di e dictador Marcos Perez Jimenez, y Sr. Hoo a splica cu esaki no ta garantia cu e hendenan participando na e evento, lo tenen nan mes na e reglanan. Experiencia a demostra cu tin biaha e organisador no tin grip of control ariba e actividad aki.
PLAZA BOLIVARIANA
Pa esaki, unabes cu tin un vergunning, e condicionnan pa cu esaki ta estableci den e permiso, preto ariba blanco y Polis tin un cara y un nomber, di un contacto. E persona ariba cual e permiso ta poni, e ora e persona aki ta responsabel pa cualkier eventualidad.
MANIFESTACION
Sr. Hoo, por ultimo, a splica cu Aruba ta un pais democratico y udna cu tin libertad di expresion. Pero si mester tene na cuenta cu tin regla cual mester wordo manteni na dje. Y si expresa cierto palabranan, esey ta duna full un otro contexto na loke wordo bisa. Y esaki ta trece desbentaha so y tin chens cu e ta wordo deteni trece ruptura den e orden publico. Asina aki e meta di e manifestacion, protesta of con cu kier yam’e, no ta wordo alcansa mas.