PAHO ta alarma riba e situacion di sushi na Aruba pero tambe rond di e mundo, tambe na Latino Americano, door di e crecimento importante di e cantidad di sushi. Sr. Leandro Alvarado ta amplia.
Esaki ta un problema cu a crece hunto cu e cantidad di desperdicionan y e generacion desmidi di cantidad di residuonan unda cu lo hunga un rol e diferente sorto di esakinan. Awor aki lo ta incorporando den mercado un otro generacion di productonan nobo cu tambe ta generando diferente residuo, y tambe productonan nobo nan cas de tipo electronico nobo tambe lo genera un otro tipo di residuonan diferente cu por influencia den mayor medida cu parti di contaminacion ambiental.
Asina tambe Representante di PAHO a splica cu referiendo cu e punto aki lo tin cierto recomendacionnan cu a bini dilanti pa no solamente gobierno y poblacion den general pero tambe pa e companianan.
Esunnan cu ta na cargo di e produccion e importacion di e diferente productonan aki, caminda cu nan lo hunga un rol tambe unda nan lo tin responsabilidad den e tema aki di desechonan pa loke ta trata medio ambiente , y pa cu esaki PAHO lo a implementa cierto politicanan di responsabilidad extendida.
Como compania productor no solamente mester pensa den e recoleccion, almacenamiento y colocacion final den mercado sino cu PAHO den otro politicanan lo ta contempla tambe pa yuda cu e generacion di e residuonan dañino aki pa asino e wordo evita.
Den caso di Aruba e recomendacion di PAHO, door di e diferente tipo di condicion den tamaño geografico unda cu e uzo di espacion pa disposicion final di residuonan ta hopi limita, unda cu no tin un luga pa un infrastructura mucho grandi pa cu esaki.
Siendo asina, e relleno sanitario ta rekeri di espacio y Sr. Leandro Alvarado a premira cu den 20 añanan kisas na Aruba e lo bay ocupa e dobel, anto e miho manera ta pa wak con lo por haci pa probecha na e maximo, y keda busca algun otro sorto di aprovechamento energetico tambe.
Lo tin diferente tiponan di tecnologia unda por evalua kico lo por haci adicional cu e residuonan aki y cu e cuido den e parti energetico tambe pa no bay keda contamina medio ambiente y esunnan concerni lo mester bin hopi estricto den e sentido aki.
Na final, Sr. Alvarado a bisa cu PAHO tin standardnan cu lo mester wordo cumpli na Aruba, unda lo por trece makinaria especial pa kima e sushi den un forma cu no lo bay genera contaminacion pero tambe disminui mas cu ta posibel e cantidad di residuonan cu semper lo bay wordo genera. Mester haci un estudio completo di tur e teconologia disponibel den e area y selecta esun mas practico pa nos pais.