Director di Web Aruba Nv Sr Luis Oduber a splica cu den añanan nos dilanti WEB lo bay conoce cambionan despues di a haya aprobacion y firma contracto cu wartsila, ta pa seis motor adicional capacita total di 102 MegaWatt. Sr Oduber a bisa manera cu esakinan bay den servicio lo paga tur e boiler y turbina na WEB.
Esaki ta den cuadro cu e vision y strategia di cleaner greener y fuel oil free y esaki ta nos prome paso grandi. Despues di hopi aña nos lo bay paga e boilernan cu tin beneficionan naturalmente pa web y comunidad. E motor nobo cu lo bay remplase e motornan ta mucho mas eficiente y nos di WEB tin mas cu 10 aña cu motornan wartsila y den experencia sa cu nan eficiensa ta mucho mas halto.
Manera cu esaki bay den servicio WEB lo spaar 850 of mas bari pa dia y lo bay keda produci mes un cantidad di energia pero usando e barinan menos y naturalmente esaki lo bay ta un saving grandi pa WEB.
Otro beneficio di e motornan
E beneficio di e motornan nobo cu lo keda instala ta bin full pa gas tambe, y nos ta studiando riba dje pa gas den futuro y na momento cu nos cera un contracto pa un gas natural y e gas yega nos ta switch esaki di biaha y lo bay tin 102 Mega Watt riba gas mes ora. Lo bay tin algun ahuste di loke ta fuel pa gas pero lo por saca beneficionan adicional di e motornan aki. Ta un proyecto cu nos ta studiando pa basta tempo caba y despues di hopi negosacion a firma e contracto pa e motornan nobo cu pronto lo keda instala y ta un cambio grandi. Tambe lo mester bay train e personalnan despues di hopi aña cu nan a traha cu boiler y turbina pa loke ta operacional y mantencion y awor a yega e ora pa un cambio grandi.