Minister di Husticia, mr. Andin Bikker, a subraya cu e maneho pa preveni y combati criminalidad ta dunando su frutonan visiblemente. E ta amplia mas.
Diasabra atardi a tuma luga un atraco, despues di basta tempo. Y esaki tabata despues di basta tempo, ora cu a cambia e maneho pa optimalisa e focus pa loke ta trata e maneho di preveni y combati criminalidad, di preveni y combati crimennan di impacto grandi, e,o, atraco. Si compara januari 2018 y 2019, a mustra cifranan palpabel, cu bou di maneho di e titular di husticia actual, ta yegando na restaura e trankilidad na e pueblo y nos bishitantenan.
A zorg pa un record di vehiculonan pa Cuerpo Policial, pa nan ta mas visibel ariba caya. Cada atraco cu tuma luga, dimes ta uno di mas. Lo kier reduci esaki completamente, pero si compara e cifranan di atraconan di 2016, un averahe di 64 atraco, a reduci esaki na 30 y pico na 2018, di cual tabata tin lunanan no tabata tin atraco mes. E luna aki tambe por ripara cu tabata relativamente rustig.
Pero esun cu lamentablemente a tuma luga diasabra atardi, a wordo resolvi den un tempo record. Palabranan di elogio di parti di e minister a bay pa Cuerpo Policial. Poco poco oposicion ta reconociendo cu e trabaonan di e maneho nobo aki ta dunando su fruto.
Por ultimo, segun e minister di husticia, na final di dia, e ta un responsabilidad comparti cu temanan serio, pa adresa e preocupacionnan di e pueblo y tambe garantisa e siguridad di e pueblo y su bishitantenan.