Awe, diabierna, Simar, hunto cu e managernan di EPI, a firma un acuerdo cu nan tabata tin basta dia ta luchando cun’e. Segun presidente di e sindicato, Sheila Tromp-Lazo, a cuminsa for di tempran cu negociacionnan y tabata tin diferente punto cu a logra. Tabata wardando e punto cardinal, cu tabata e di tres manager pa asina yuda nan den e peso di trabao cu tabata tin.
E minister a bin cu un contrapropuesta, den forma di taakuren pa e docentenan. Tabata tin e proposicion pa duna e docentenan aki pa laga nan carga e responsabilidad cu nan por tin tambe decisionnan den trabao y eynan no tabata yega na otro.
Awor aki a logra, caminda cu lo bay bin un docente cu lo cumpli cu e taakuren, caminda cu e lo carga e responsabilidad y lo tuma e decision manera un manager tambe.
Ta jammer cu a purba di difama e managernan cu ta un lucha pa placa, siendo cu no tabata esey. E tabata mas e condicionnan di trabao cu nan mester start aden, cu tin hopi aña ta luchando riba esey. Nan ta trahando sin un derde manager, e peso di trabao tabata tey, y por fin a logra, segun Sheila Tromp-Lazo.
Minister a indica cu en principio e ta prefera di inverti e placa cu e lo por gasta den e managernan, inverti’e den scol. En principio kier mira esey tambe, pasobra EPI tin hopi aña ta wardando riba innovacion tambe. Ta spera cu e por cumpli cu esey, cual ta un otro lucha cu ainda no ta cla.
Ta jammer tambe cu mester menciona cu tabata tin puntonan chikito unda cu no por a yega otro. Si minister a responde riba e invitacion di Simar na e ultimo carta pa sinta e ultimo biaha, por a evita di ta dilanti di hues. Pero minister a responde cu un kortgeding, unda cu kier a obliga e managernan bay traha y eynan claramente hues a respeta e derecho di welga y el a bisa bek, ya cu abogado a duna un mensahe cu nunca a yega na Simar, e ora hues a bisa pa bay sinta bek y yega na otro. Si en caso no a yega na otro e ora e hues lo a tuma un decision, segun Tromp-Lazo.
Tabata tin cierto palabranan chikito caminda cu cierto acuerdonan cu toch nan kier pone y e managernan tabata bisa no, cu nan kier cierto puntonan bin dilanti y kier e responsabilidad, cu ora nan bay traha, nan ta bay traha riba prioridad prome. Eseynan ta algun punto cu a pone pa nan bay di acuerdo cune y si nan bay di acuerdo, e managernan ta start y esey a pasa.