E ex-prome minister Hulandes, Dries van Agt y su casa, Eugenie, a fayece boluntariamente dia 5 di februari, ambos na edad di 93 aña. E pareha a opta pa “dobel eutanasia,” un practica cada biaha mas comun na Hulanda, Gerard Jonkman, di The Rights Forum, un organisacion funda pa Van Agt pa defende e derechonan di e Palestinonan den e conflicto cu Israel, a splica na NOS.
Di acuerdo cu Jonkman, e ex-prome minister a cuminsa considera e opcion di eutanasia despues di a sufri un derame celebral na 2019, echo cu a empeora su salud for di e tempo ey. “Despues el a bisa cu eutanasia tabata un opcion si bida y e sufrimento ta bira insoportabel,” el a comunica. Van Agt y su casa, cua estado di salud tambe a deteriora rapidamente, tabata hunto durante mas di setenta aña y “no tabata por a biba uno sin e otro,” a dera e pareha diahuebs ultimo.
Van Agt tabata prome minister di Hulanda entre 1977 y 1982 y anteriormente a encabesa e ministerio di Husticia durante seis aña. For di 1987 pa 1995 e tabatin e funcion di embahador di e Comunidad Europeo na Hapon y Merca. E tabata representa e partido CDA, pero a bandona e formacion na 2021 pa desacuerdo riba varios tema, entre nan Palestina.
Dobel eutanasia
E Asociacion Hulandes pa Euganasia Boluntario (NVVE), a indica cu 29 pareha (58 persona) a somete na dobel eutanasia na 2022, compara cu e 16 parehanan di e aña anterior. Esaki ta demostra e tendencia n’e aumento di e demanda di e procedemento aki, aunke Fransien van ter Beek, presidente di NVVE, ta señala cu su “implementacion no ta sosode hopi biaha, pasobra e no ta un caminda facil.”
Segun cu el a splica, e dokternan ta trata e peticion di eutanasia di un pareha como dos proceso individual y ambos persona “mester ta evalua separa.” “E rekisito mas importante ta cu ta existi un sufrimento desespera y insoportabel y e peticion mester ta boluntario y bon considera,” el a agrega.
Eutanasia ta wordo efectua pa dos dokter pa ambos miembro di e pareha fayece n’e mesun momento. “Nos sa cu pa experiencia cu hende parce tin un pensamento bunita. Specialmente despues di henter un bida caminda cu e personanan a fusiona den otro,” Van der Beek a manifesta. “Ya bo no tin cu biba morto di e otro persona, bo ta spaar e dolor,” el a conclui despues di splica e proceso di morto asisti.
