Ciudad de Mexico, MEXICO – Un total di shete mama a haya nan yiu desapareci na Mexico, den cuadro di e di diestres edicion di e Caravana di Mamanan Centroamericano, cu a wordo realisa di dia 2 pa 18 di December, segun un comunicado di Movimento Migrante Mesoamericano.
E grupo di 45 mama y nan familiarnan procedente di Honduras, Nicaragua, Guatemala y El Salvador a recore 4 mil kilometer door di diferente ciudad den centro y norte di e pais for di e frontera zuid, segun e organisacion.
“Den cada encuentro nos ta bisa si tabata por, nos ta bisa esaki pa duna nos forsa pa ora cu nos recore teritorio Mexicano buscando otro historia di horor, sperando pa haya e ser keri”, e comunicado ta señala. Catalina Narcisa, Clementina Murcia González, Justina Hernández, Doris López y Dilma Pilar Escobar Medina ta mamanan Hondureño cu a haya nan yiu.
Di otro banda, Maria Ines Garcia, un mama SalvadorePor su parte, María Inés García, un o, a haya su yiu René Alonso Bolaños, kende e tabata tin cuater aña sin wak y cu ta sera den un prizon Mexicano.
Di mes manera, José Sabas Martínez Benítez a reencontra su mes cu su yiu Denia Elizabeth Martínez Menjívar den e estado di Tabasco, despues di 20 aña di a perde contacto.
“E caravana ta festeha e bon noticia di e 7 encuentronan di migrantenan desapreci door di nan famia, unda a keda demostra cu solamente e activismo social ta busca y haya e migrante”, e organisacion a señala.
Según e Movimento Migrante Mesoamericano, for di e prome edicion di e Caravana di Mamanan Centroamericano te cu awo a haya 277 migrante cu tabata desapareci.