Un muhe Colombiano, identifica como Claudia Marcela Pineda, tabata trata di yega Merca hunto cu su yiunan di 3 y 11 aña ora cu el a perde den desierto di Yuma, Arizona. For di eynan el a haci un yamada pidiendo auxilio na e departamento di emergencia, pero e muhe aki y su yiu muhe amuri. Su yiu homber di 3 aña si a wordo rescata cu bida.
Un contrabandista a laga Pineda pa su cuenta den desierto, hunto cu su dos yiunan, kendenan tabata pidie cuminda bou yoramento. Esaki nan a saca afo di e yamadanan di emergencia cu el a haci, dia 26 di augustus, 2021, pa pidi ayudo.
Ora cu autoridadnan a yega na e sitio, a topa cu tanto mama como e yiu muhe no tabata na bida mas. E yiu homber, Cristian Pinzon, a logra sobrevivi e temperaturanan extremo y a transport’e pa un hospitl na Arizona, unda e ta bou di cuido medico.
E buskeda a complica ora cu e bateria di su celular a baha por completo y a paga.
Hugo Pinzón, esposo di Claudia, kende ta biba na Merca, actualmente ta spera pa nan entrega e shinishi di su casa y yiu muhe. Pa e por haya custodia di su yiu, e mester haci un test di DNA pa comproba cu e ta su tata. E tata no conoce su yiu personalmente.