Mama y padrastro cu a abusa di 3 mucha lo ta den corte Januari 2021

Awe merdia a bini un caso pro forma na corte di sospechosonan inicial V. y P.T. cu ta wordo acusa di abuso sexual y violacion di un persona di menor di edad den e periodo prome cu april 2019, pa prome di juni 2020. P.T. ta wordo ademas acusa di abuso sexual cu dos otro persona menor di edad den e periodo di prome di april 2019 pa prome di juni 2020.

E caso a bini dilanti awe pro forma den corte, unda cu via di Zoom Video Call cu e sospechosonan sinta na KIA, por a compronde cu nan ambos a bay di acuerdo pa un evaluacion psicologico. A bini dilanti den corte cu prome cu e caso wordo trata den su totalidad na 22 di Januari, 2021, cu rapport di reclassering y rapport psicologico lo mester ta cla. E sospechoso, padrastro di e muchanan envolvi, a pidi pa trece su testigonan dilanti pa ora trata e caso, bisando cu aparentemente e tin testigo. Masnoticia a logra combersa un rato cu e famia, mama di e dama sospechoso, cu ta bisa cu e no ta compronde kico e padrastro kiermen cu ‘tin mas testigo’, cu esaki ta zona manera co’i loco, “of kiermen tin dus mas hende envolvi den esaki?”, e wela di e criaturanan ta remarka na Masnoticia.

E caso aki ta trata di un pareha cu a abusa di menornan di edad pa por lo menos 1 aña, unda cu e mama a para complice di violacion di e menornan, segun a bin dilanti den corte.

Segun informacion, e muchanan semper a biba cu nan wela cu ta stima nan un mundo y ta saca cara pa nan. E abuso a cuminsa ora cu e mama a pidi pa e muchanan bay biba cu ne y su pareha, e muchanan no por a wanta e abuso anto a basha abao. E muchanan a bay cerca nan wela y no tabata kier a regresa mas cerca e pareha, bisando nan wela tur cos, e pareha a wordo despues denuncia na husticia.

Comments

comments