Diasabra prome cu 7 or di anochi familiar cu a bay bishita kelder di nan defunto e hoben Lampe a mira un situacion no mucho bon y a yama e mama di biaha raporta e situacion. E mama a drenta panico hunto cu familiarnan y omo di e defunto a presenta na santana pa ta na altura kico ta pasando. Nan a keda nenga pa e representante di santana pa bay paden y a keda cori cu nan mester bandona e tereno. E representante a cera dos hende homber den e santana, tur esaki a pasa den presencia di miembronan di prensa. E omo di e defunto y un otro cabayero mester a bula e cura. Pero e omo si a logra yega te na e kelder di su defunto sobrino pa ta na altura kico a pasa y a topa cu un cantidad di sanger ta sali. Polis a presenta na e sitio y e mama disgusta di e trato cu el a haya a papia cu e oficialnan kico a pasa y kico ser constata.
E mama tabata teme cu nan a haci algo robes na graf di su yiu cu su famia debi cu el a keda menasa na mas cu un ocasion door di esnan di comision di santana Santa Cruz a menasa den forma bruto si no paga y regla cuenta lo mira kico lo bay pasa. Personal di Departamento di higiena tambe a acudi na e santana pa tuma nota di e situacion.