Mama tabata bende su yiu cu pedofielnan riba internet

1
RBC Juli 2018
Funmiles-2018

Polis Aleman a informa cu na Friburg, nan a detene un mama acusa di a bende su yiu riba internet na varios ocasion. Durante dos aña e tabata haci esaki pa e wordo viola y otro abusonan sexual.
E operacion policial, cu a cuminsa na September, a caba cu e detencion di e muhe di 47 aña y su compañero sentimental, di 37 aña. Tambe nan a detene cuater homber, entre nan un ciudadano Spaño cu a wordo aresta na Spaña pero cu ta na Alemania caba den detencion preventivo.
E cuater hombernan tabata tin entre 32 y 49 aña, di varios nacionalidad y a wordo aresta den tres pais.
E seisnan ta wordo acusa di a comete “abusonan sexual grave” riba e menor, segun un vocero di e polis di Baden-Württemberg.
Segun e Oficina di Investigacion Criminal (LKA) di estado federal, ta trata di e caso “mas grave di e abusonan sexual cu investigadornan te cu awo na Baden-Württemberg”.
Polis cu a habri e investigacion door di un aviso anonimo na herfst ultimo, den apensa cinco dia a aresta despues di e pareha, cu desde September e ta den prizon preventivo.
Despues nan a dedica na busca e otro agresornan y detene e resto di e sospechosonan cu e colaboracion di e forsanan di siguridad den stranhero.
E victima ta bou di proteccion di servicionan social, segun polis a indica.
Segun e investigacion cu ta tumando luga, tanto e mama como su compañero, cu tabata tin antecedentenan pa delitonan similar, a abusa sexualmente di e mucha, ademas di a ofrece na otro hombernan pa wordo viola.
E situacion di “martirio” segun e investigacion, a sigui te cu 2015, te na herfst di aña pasa y e violacionnan a tuma luga tanto na Friburg como na otro luganan unda e encuentronan tabata tuma luga.
Un di e hombernan deteni, den noord di Alemania, a biaha al menos den un ocasion pa Karlsruhe, pa e cita y na e momento di detencion tabata tin varios instrumento pa mara e mucha y presuntamente pa comete fantasianan di pedofielnan.

Comments

comments

C: Heineken
new india