Na prome instante e menornan di edad tabata kier a dal nan mama cu auto y despues nan a atake cu un arma di candela y un cuchiu. Erica Hall, un mama hoben di 32 aña di edad, a muri asesina dor di su propio yiu muhenan, di 12 y 14 aña na Mississipi, Merca. E razon di e asesinato tabata cu e mama a kita celular for di e muchanan. E menornan di edad a wordo deteni dor di polis, cu a haya e curpa sin bida di e victima cu tabatin un tiro y multiple heridanan di cuchiu, cual a keda claba den su lomba.
E muchanan a asesina nan mama despues di un discusion hopi fuerte. Primeramente nan a purba pasa auto riba nan mama y e mama a castiga nan, kitando nan telefonnan celular, cual a finalisa den un crimen teribel.
E mucha muhe di 14 aña a wordo identifica pa polis como Amariyona Hall, cual su potret a wordo publica, mientras cu e otro no a wordo nombra debi na su edad. Polis a confirma cu e dos hobennan ta wordo acusa di asesinato y awor mester enfrenta castigonan bastante halto. Hall tin dos jiu muhe mas, uno di 16 y otro di un aña.