Mama ta wordo cera pafo di cas door di yiu mentalmente perturba

Comandante na warda ta manda patruya na un adres na Savaneta diaranson mainta, pa asina busca un persona mentalmente perturba. Eynan a papia cu e dama W., kende a declara cu su yiu S., ta un pashent di PAAZ. S. no kier a habri ningun porta pa e mama. W. a purba di habri e portanan, pero S. a cera e portanan cu handslot parti paden. Polis a tuma contacto cu S. via telefon, kende a bisa cu e no ta bay habri e portanan. A tuma contacto cu comandante na warda pa asina yama personal di brandweer pa habri un di e portanan. E doño W. a duna permiso pa asina brandweer habri un di e portanan. Pa mas of menos 10’or y mey di anochi, brandweer a bin na e sitio. W. a declara na patruya cu S. tin algun cuchiu den su camber. S. mester bay hospital pa e wordo trata mirando cu e ta agresivo. Personal di brandweeer a forsa e porta pa asina polis por drenta paden. S. a wordo hiba cu polis pa asina haya tratamento medico. Unidad K-9 tambe a bin na e sitio pa reforsa polis. Central a wordo poni na altura.
W. a declara cu un patruya a bin prome caba na e adres, pasobra S. a scop e bisiña. No por a rasona cu S.

Comments

comments