LONDON, Reino Uni- E muhe a yega e tas y e saconan di carson di su yiu cu pieddra prome cu el a benta nan curpa den e riu.
Un mama a mara e mannan di su yiu di 5 aña na esun di dje, prome cu el a tira su mes den un riu den e distrito di Derbyshire Peak (Reino Uni) y asina comete suicidio. Den un nota, e muhe a expresa cu e tabata kier a caba cu su bida, pero e no tabata por a soporta e idea di laga su yiu su so, medionan local a informa.
A pesar di cu e hecho a tuma luga na november aña pasa, recientemente detayenan di e investigacion aki a bin padilanti. Entre nan, e corte di Chesterfield Coroner a duna di conoce cu e muhe, identifica como Emma Sillett, di 41 aña pa varios aña tabata lucha contra di depresion y solamente un aña prome cu su morto el a sufri e ultimo di tres abortus involuntario.
Ademas, e oficial di polis, Rebecca Fearon a revela cu den e auto di e mama nan a bin haya un serie di cartanan scirbi na man y restonan di un Happy Meal di Mc Donald’s cu su yiu Jenson a come prome cu e tragedia. Ademas, al parecer e ruptura di e muhe cu e tata di su yiu tabata e “problema mas grandi den su bida”.
Sillett a yena un tas y e saco di carson di su yiu cu piedra prome cu el a bula den e riu. Despues di a wordo raporta como desapareci dia 20 di november, autoridadnan a cuminsa cu e buskeda. Ora cu polis a haya e curpanan den awa, e mama y e yiu tabata bandi otro, cara cu cara.