TEXAS, Merca- Den e ciudad Mericano di San Antonio Texas, un mama a haya sorpresa di su bida ora di fia tablet di un amigo di famia. Riba e tablet tabata tin video y potretnan caminda ta mustra con e amigo ta viola su yiu muhe di 7 aña.
Su descubrimento a tuma luga diadomingo pasa. E agresor a wordo identifica como Jose Trinidad Gonzales, di 35 aña. E sospechoso ya caba a wordo deteni bou di cargonan di abuso di menor y posesion di pornografia infantil, segun e website My San Antonio.
Segun e Departamento di Polis di e localidad ey, e hallazgo tabata posibel door cu e abusado a laga e mucha y su rumannan hunga wega ariba e tablet.
Despues, e mama a dicidi di verifica ki tipo di wega e muchanan tabata hunga y pa curiosidd el a drenta den e filenan cu ya caba a wordo delete. E ora el a haya un potret di e genitalnan di su yiu y a descubri un video unda cu e suheto tabata abusando sexualmente di e mucha, segun autoridadnan a indica.
E muhe a denuncia e agresor, cu ya caba a wordo aresta y ta cera den e prizon di e condado di Bexar. Pa e wordo husga den libertad, e mester paga un borg di 150 mil dollar.
Fuente: https://actualidad.rt.com/