LONDON, Reino Uni – E muhe a vence cancer di pecho na 2015, pero algun dolor di stoma a pone pensa cu e malesa lo a bin bek, cual a keda descata despues pa e autopsia.
Dawn Cheetham, un asistente di dentista na Reino Uni, a caba cu su bida ora cu el a horca su mes den e kashi di su yiu chikito di 8 aña, cual el a sufri hopi aña atras, lo a bin bek. Sin embargo, e autopsia a revela cu e no tabata tin celnan canceroso den su curpa, segun Dailymail a raporta diabierna.
Cheetham a wordo diagnostica na e momento ey cu cancer di pecho den etapa 3, el a ricibi kimoterapia y e supera e malesa completamente na 2015. Su casa, Jonathan Mellor, a describi’e como un persona alegre y bunita, solamente cu e cancer tabata den su pensamento constantemente y el a bira un problema importante.
“Cada dolor chikito cu e ta sinti of dolor di stoma, e tabata pensa cu e cancer tabata bin bek y mi ta kere cu ta p’esey el a haci loke el a haci”, Mellor a afirma.
E suicido a tuma luga despues di tabata tin un pleito cu su casa, cu e ora a sali bay di cas. Ora el a bin bek, e mester a benta e porta abao pa el a drenta y asina tambe el a bin topa cu e escena tristo aki.
Entre e elementonan cu tabata forma parti di e investigacion despues di su morto, a keda demostra cu Dawn Cheetham a cuminsa cu’n tratamento psicologico pa yud’e cu e depresion cu e tabata pasando aden door di e cancer.
Pero lastimamente, el a comete suicidio prome cu e por a bay pa un di dos sesion.