Sra Nieves diahuebs a mustra su preocupacion pa cu e situacion di SPO Santa Cruz, caminda cu e minister di Enseñansa, drs. Armando ‘Rudy’ Lampe, a duna di conoce na e mama preocupa aki, cu lo no bay cera SPO Santa Cruz.
Segun e mama aki, Sra. Nieves, el a haya e confirmacion di parti di e minister di Enseñansa, tocante e situacion aki. E minister a dun’e confirmacion, cu lo no bay cera e scol aki. Cu e muchanan lo sigui na SPO Santa Cruz, esey tabata e promesa di e mandatario.
Sra. Nieves a sigura cu e ta confia den palabra di minister, cu no ta asina cu e muchnana di prome aña lo bay Brazil, pero e di 2 y di 3 klas lo keda Santa Cruz, manera tabata e intencion di e mandatario.
Tambe a haya indicacion cu ainda e no a haya indicacion di ki dia e lo mester inscribi su yiu na SPO. Yiu di Sra. Nieves lo keda monitor e situacion e situacion aki, pa haya sa kico lo para di SPO Santa Cruz.