TEGUCIGALPA, Honduras- Polis di Honduras ta investigando e brutal asesinato di un muhe. Esaki lo a wordo cometi presuntamente como parti di un ritual satanico, segun informenan.
Segun medionan local, Gloria Lizeth Izaguirre Torres, di 42 aña, mama di seis yiu, a wordo secuestra diasabra den oranan di mainta den e colonia Smith, di Comayagüela, ora cu el a sali pa bay cumpra pan y koffie. Despues a bin haya su curpa cu yen di hinca den un cas bandona den e sector Corralitos, den e Distrito Central di e pais.
E cadaver tabata na rudia dilanti un altar improvisa cu bela, un cruz di palo y un pentagram. “Den e escena di e crimen, autoridadnan a bin haya un mensahe tambe cu tabata bisa: “Pa e poder cu scuridad a duna mi, awe mi ta bin entreg’e mi alma.
Agentenan di e forsanan di orden a precisa cu, ademas, den e palma di e muhe su man tabata tin cortanan profundo den forma di pentagram.
Segun bisiñanan, cinco persona, bisti cu toganan color preto y cu cara full tapa, a wordo mira ta sali for di e cas bandona e mesun dia di e asesinato.
Fuente: https://www.tn8.tv