MADRID, Spaña – Na Spaña un mama mester comfronta cargonan, despues di a skirbi un mensahe contra e docente di su yiu den un grupo di Whatsapp, traha pa e mayornan di famia. E hecho a tuma luga den e localidad Gallego di Vigo, dia 14 di Januari di 2016, pero solamente te cu e siman aki e partinan implica den e caso a wordo scucha den e Husgado Penal number 3 di e localidad ya menciona.
Den e mensahe, emama tabata keha cu e docente tabata maltrata su yiu homber, e tabata burla di dje y tabata come su lunch. Tambe e tabata yama otro mayornan pa puntra si nan yiunan ta mescos cu di dje y pa nan tuma accionnan conhunto.
Despues cu e caso a yega na oido di e directivanan di e scol, e mama a compromete na duna un disculpa publico atrabes di e aplicacion mobil, sin embargo, e docente, kende tabata traha na e scol desde 1985, a considera cu e disculpa ta insuficiente y tabata kier hiba e caso dilanti husticia.
Segun medionan Spaño, durante e entrevista oral realisa ayera, den e husgado, e denunciado a reconoce di a skirbi e mensahe, pero tambe a bisa cu su atencion nunca no tabata kier pa ofende e maestro. “Solamente mi a pone loke mi yiu tabata bisami, pa sa si esey tabata pasa cu e otro alumnonan,” el a splica.
Pa e hecho, e mama di famia ta obliga pa paga un multa cu por supera 1000 Euro, pero dado cu e ta sin trabao y no ta ricibi ningun tipo di ayudo social, Ministerio Publico a rebah’e na 545 Euro for di e cifra cu nan ta pidi como indemnisacion.
Fuente: El Especdtador