Caracas, VENEZUELA- Den oranan di dialuna mainta, a bin haya e cadaver di e señora, Flor Marina Castro de Vidal di 79 aña di edad, mama di e medayista olimpico Rafael Vidal, den su residencia ubica den e urbanizacion Los Naranjos, di El Hatillo.
Segun un comunicado di prensa di Ministerio Publico, e señora a wordo haya pa su yiu muhe, cu a bay na e cas despues di e purba varios biaha pa haya su mama na telefon.
E victima tabata tin un herida na su frenta, y a keda determina cu nan a bay cu varios obheto for di e luga.
Autoridadnan Venezolano ta haciendo tur lo posibel pa determina kico a pasa y pa haya e culpabelnan di e crimen aki.