Diamars despues di merdia autoridad a keda informa cu na un cas na San Nicolas na Pastoor Hendrikstraat a yiu a topa cu mama sin bida den cas pero cu golpi na curpa. Esaki a pone cu polisnan a presenta di biaha a mira e senario con a haya e señora y a cera e cas di biaha pa ningun hende ta paden.
Famia a keda pafo te ora cu tur cos a keda cla. Recherche y departamento tecnico a presenta di biaha y a cuminsa observa full e cas, dokter tambe a presenta pa constata morto hunto cu departamento tecnico a analisa e situacion, debi cu e señora tabatin golpi na cabes y curpa un investigacion profundo a tuma luga cu a dura basta rato. Polis a combersa cu famia pa saca afo kico por a pasa mainta, y manera famia a informa autoridad cu mainta e señora tabata malo.
Despues di e investigacion a notifica auto funeral pa presenta pa bay cu e curpa sin bida.