Diahuebs pasa di 11 or anochi un mama ta yega cas na De Vuyst y bay den camber despues di no a haya reaccion di su yiu homber y a constata cu su yiu no ta halando rosea y a bati alarma. Mama a drenta panico na gritamento y e gritonan a pone cu bisiñanan a sali di biaha wak kico ta pasando. Polis a yega di biaha y bay paden y constata cu di berdad e yiu homber di 21 aña no ta halando rosea. Ambulansnan a yega di biaha y cuminsa cu reanimacion pero tabata envano.
Desconoci kico tabata causa di e morto. Patruya na e sitio a solicita pa autoridadnan competente presenta. Asina recherche, departamento forensico y fiscal a presenta. Investigacion a start wak si por a topa cu algo iregular den e cas y camber. E bisiñanan a keda den shock cu e noticia debi cu ta un persona conoci pa e bario y hopi ta pega cu e mucha homber di 21 aña. Na final di e investigacion fiscal a opta pa tuma e curpa den beslag pa autopsia determina kico tabata e causa.
Di parti di masnoticia.com palabra di profundo condolencia na e famia y cu e hoben sosega na paz.