TEXAS, Merca- Un muhe a tira un homber den su cara diaranson, ora cu esaki a purba di horta su auto, den cual su dos yiunan tabata aden. Esaki a sosode na un station di gasolin.
E hecho a tuma luga den oranan di anochi, ora cu Michelle Booker-Hicks a baha di su auto, den cual su dos yiunan tabata sinta patras, uno di dos y e otro di cuater. El a baha for di auto pa paga pa e gasolin.
Ora cu el a nota e sospechoso, identifica despeus como Rickey Wright, a subi den su auto, e mama di e muchanan a core bay na e auto y a logra subi den e parti patras, prome cu e malhechor por a logra bay cu e auto.
E mama a exigi e ladron pa e para cu e auto pa despues e pasa man cu’n pistol cu tabata den e dashboard y tira un solo biaha, den cara di e delincuente, segun e mesun Booker-Hicks a relata.
“Mi mester a tira mas biaha, pero mi no a haci esey”. Segun Booker- Hicks, su intencion tabata di realisa un tiro di advertencia. Mi no ta un asesino, pero si mi ta kere den defende loke ta di mi”.
Despues di esaki, Wright a bay dal den un palo di luz. El a wordo deteni pa secuestro y uzo no autorisa di un vehiculo. E homber ta hospitalisa, pero den condicion stabiel. Ni Booker- Hicks ni niun di su yiunan a resulta herida.