TECNOLOGIA
Investigadornan di cybersecurity di e compania Cymulate a descubri un manera di infecta e computernan di usuarionan a traves di videonan graba den e filenan di Microsoft Word.
Expertonan splica riba su blog con e atake ta probecha di e vulnerabilidad aki.
E cyberdelincuentenan a pone un video tuma di cualkier recurso di internet den un documento di Word y edita e archivo XML yama e document.xml. Despues esaki ta reemplasa e link di e video cu’n malware.
E specialistanan di Cymulate a logra recrea e archivonan infecta di e manera aki. Y ora di habri e documentonan di Microsoft Word, por observa cu esistema di siguridad no ta mustra un advertencia riba un posibel menasa.
Soluciona e problema completamente ainda no ta posibel. E investigadornan ta recomenda cu e usuarionan block e documentonan di text cu ta contene videonan graba den e file.