Maluma ta anuncia su retiro temporal for di escenarionan

Maluma ta anuncia su retiro for di escenario pa “alimenta su alma”

“Mi mester di un poco di tempo pa mi, pa Juan Luis. Mi mester tempo pa pensa, pa medita, pa haci yoga, pa haci oracion”, e Colombiano a detaya.

E cantante y compositor Colombiano, Juan Luis Londoño Arias, miho conoci como Maluma, diahuebs a anuncia su retiro temporal di escenarionan.
Den un video publica a trabes di Instagram Stories, e artista a confesa cu e mester “alimenta” su alma y cu e lo dedica mas na su bida personal, ya cu e ta considera cu esaki “tambe ta necesario”.

Riba rednan social no a tarda den aparece mensahenan di fanatico y no fanaticonan di e musico comentando ariba e anuncio. Mientras algun a expresa nan sorpresa y tristesa pa e noticia, otronan a tuma esaki cu humor y a gradici Maluma, den forma sarcastico, pa su decision, opinando cu su retiro “lo mester ta pa semper”.

E hoben cantante di reaguetton di solamente 24 aña, a wordo critica y acusa di machista pa su letra y videonan di su canticanan. Na december 2016, den un iniciativa popular, a traves di Change.org tabata pretende pa e retira for di medionan e videoclip di su exito ‘Cuatro babys’ pa ta “absolutamente denigrante” pa e hende muhe.

Comments

comments