Diadomingo den careda di 8 or anochi Polis a keda manda cu urgencia pa un cas na Catiri unda un persona a keda maltrata seriamente cu arma. Na yegada di patruya di Noord a topa cu e conocido di Polis Jaccopucci herida y tabata sangra seriamente y a solicita ambulance cu urgencia.
A bay pa detene un cabayero cu a agredi Jaccopucci y un señora na e sitio a bira histerico riba polis y stroba nan trabou y a keda deteni di biaha. Recherche di Noord tambe a presenta na e sitio debi cu ta maltrato serio a tuma luga cu hero cual ta considera esaki como un arma. Polis a haya Jaccopucci bou di un dak na e cas cu su pia robes herida, y a topa cu un muraya tur na sanger.
Segun Jaccopucci cu e habitante P.Kock a maltrate seriamente cu un hero. Asina a detene e homber Kock pa maltrato y a keda transporta pa warda. Pero diripiente e yiu homber S.K a bin mete den e trabou di Polis relaciona cu e detencion y tambe a keda deteni. Departamento forensico tambe a presenta na e sitio pa asina tuma potret di e situacion.