Rond di 9’or di anochi a tuma luga un caso di maltrato basta pisa na Brazil. A manda varios unidad pa e sitio.
Ta parce, segun informacion no oficial, tabatin un discusion entre dos homber banda di un luga di bende catochi. E discusion a sigui riba e caminda publico, den Jarmanstraat na Brazil. Dado momento e homber di mas edad a saca un obheto, parcecido na un screwdriver, y a maltrata su rival cu esaki.
Mesora a bati alarma. Tanto ambulance como vehiculo di transporte a yega na e sitio pa transporta e herido pa hospital y e agresor pa warda di polis.
Recherche tambe a yega na e sitio pa haci nan investigacion.