Diaransona Malta tabata lamenta e perdida di un di su principal atractivo turistico y un joya di naturaleza.
Ta trata aki di e famoso Blue Window, un formacion rocoso den forma di un boog situa riba e isla Gozo di e nacion chikito aki den Mediteraneo.
E monumento iconoco natural aki, destrui door di olanan fuerte a aparece den e prome temporada di e famoso serie “Game of Thrones”, di e cadena Mericano HBO.
Prome Minister Maltes, Joseph Muscat, a califica e perdida di desgarador, ariba su cuenta di Twitter.
Den un estudio realisa na 2013 ya caba a señala cu erosion no por wordo evita, aunke no tabata kere cu e structura tabata den peliger inmediato di colapso.
Recientemente autoridadnan a coloca borchinan na e luga, informando cu tabata prohibi pa cana riba e piedra, a pesar cu e prohibicion hopi biaha tabata wordo ignora door di e bishitantenan.