MALLORCA – Un crecemento di 700 porciento di e cantidad id huespednan cu e aña aki a haya diarea y despues a exigi nan placa bek, a haci cu e doñonan di hotel na Mallorca pa cuminsa investiga un fraude masivo. Ta trata aki di biaheronan Britanico, cu a uza un truco simpel pa asina nan spaar nan costonan di biahe grandemente: haya diarea.
E metodo ta traha simpel. E turista ta cumpra durante su vakantie na botica, un remedi contra diarea. Na Gran Britania, cu e recibo nan ta claim cu e cuminda cu ta pa culpa di e cuminda cu nan a come den e hotel. Asina e turistanan tabata sa desde 2013 con pa haya bek 50 miyon di euro.
Door di e crecemento enorme di casonan di diarea di e aña aki, e organisacion di hoteleronan na Mallorca a compronde con cos tabata hinca den otro. E turistanan tabata claim nan costonan di estadia na e organisacion di biahe y na su turno ta manda un recibo na e hotelnan di e isla.
Un di e medidanan cu Mallorca a tuma ta simpel y efectivo: boticanan no ta duna ningun recibo pa remedinan contra diarea. E hoteleronan a trece e caso aki na e Gobierno Britanico.
Fuente: www.nu.nl