Central a manda patruya na Kamay, caminda cu lo a haya un tas den mondi. Eynan a papia cu e homber A., kende a declara cu su dos yiunan a bay cumpra pan. Semper nan ta tuma un caminda mas cortico den mondi y dado momento nan a mira un maletin cu contenido benta abao, cual a wordo entrega na patruya. Na warda, a tira un bista den e tas y parce cu e maletin aki ta di e turista BM, kende den oranan di mainta el a haci un denuncia di robo den su auto banda pariba di Benihana. E contindo di e maletin di e marca Coach ta un paspoort di merca, ID (Global Entry), un iPad color di plata, charger blanco di un iPhone, un pochi di pildo, etui cu business cards. E maletin a wordo entre na recherche di Strandpolitie.