Centro pa Control y Prevencion di Malesa (CDC) a indica cu e malesanan respiratorio ta aumentando net na ora p’e dianan di fiesta y menos persona ta vacuna compara cu e añanan anterior.
Den shete estado incluyendo Virginia y DC ta reportando nivel halto di malesa respiratorio.
Den henter e pais, menos di e mita di e muchanan (43,3%) y adulto (42,2%) a vacuna contra griep y e indice di e vacuna nobo di COVID-19 ainda ta mas abao (18,3% adulto, 7,8% mucha).
Pa CDC ta existi un vacuna pa adulto mayor di 60 aña, pero solamente 17% a vacuna.
CDC ta afirma cu tin scarsedad di tratamento contra CDC pa lactante (baby cu ta tuma pecho).
N’e mesun momento, e hospitalisacionnan ta aumenta.
“Nos no kier pa ningun hende hospitalisa of muri pa algo cu tin un vacuna sigur y eficaz p’e,” dr. Mandy Cohen, director di CDC a declara na CBS. “Nos kier sigura specialmente cu nos mayornan y nos yiunan menor di cinco aña vacuna pasobra nan ta esunnan cu ti ne pio resultado door di haya griep.”
Den e caso di COVID, e autoridadnan di salud ta afirma cu e pik ta debi n’e subvariante JN-1. E Organisacion Mundial di salud ta considera un “variante di interes” y ta propagando rapidamente. Diabierna, autoridad di CDC a afirma cu JN-1 ta representa ya 44% di e casonan di COVID den henter e pais.
Pero e dokternan ta afirma cu e vacuna mas reciente contra COVID lo mester protege contra e pio efectonan di e variante nobo aki.
“No ta produciendo un malesa mas grave,” dr. William Shaffner di e Centro medico di e Universidad di Vanderbilt, a bisa CBS. “E estudionan di laboratorio lo a indica cu nos vacuna di COVID p’aworaki ta up to date si e proporciona proteccion contra e malesa grave causa p’e variante aki.”