Randolph Vrolijk di Lions Club ta splica cu di parti e club, ora e peticion drenta pa duna un man den e Plataforma di Salud, nan a tuma esaki cu man habri pasobra tur aña e demanda pa yuda hende cu rolstoel ta grandi.
Vrolijk, como presidente di Aruba Lions Club, a splica riba e 9 foyetonan cual ta un peticion cu a drenta na cuminsamento di aña. Despues no a tende nada mas. Algun luna pasa el a bolbe bin bek cerca man y a gar’e cu dos man, pa motibo cu pa mas cu 50 pa 60 aña pasa, Aruba Lions, como programa di diabetes, miho conoci como malesa di sucu, cu dia pa dia tin entendi cu ta creciendo enormemente. Esaki ta un preocupacion grandi pa e club. Na e momento cu un malesa asina ey sigui crece, ta nifica cu Aruba Lions, manera cu sa, ta patrocina rolstoel, cama di hospital. Tin e smilemobile tambe. Ta nifica pa e club cu ta un extra peso. Pesey kier a duna tur e contribucion enorme na e bunita proyecto aki pa concientisa comunidad riba no solamente e parti preventivo, pero tambe ora cu tine malesa aki, e parti curativo den e sentido, con ta cuida bo mes miho, pa asina evita gastonan inecesario y sufrimento tambe. Una bes bo tin’e, practicamente cu bo no ta cura mas di dje. Esey ta encera cu pa bida bo mester biba cun’e. A purba yuda den tur manera cu por. Aruba Lions a perde contacto un tiki, pero awo cu a haya contacto bek cu e fundacion diabetico pa por traha hunto y esey ta e intencion, pa yuda comunidad den tur forma, pa asina por sigui brinda, no solamente e cantidad di servicio cu Aruba Lions ta conoci cune, pero e calidad di servicio. Hunto cu otro fundacionnan, den e caso aki yuda e comunidad den otro forma tambe. Vrolijk ta felicita plataforma di salud, na Wit Gele Kruis, fundacion Diabetico y ta spera cu den futuro por sigui traha mas estrecho cu otro pa asina yuda comunidad ainda mas.