Malesa cronico por yega desaroya den cualkier edad

Malesa cronico manera cancer por yega sin importa edad di e persona, sea ta mucha, hoben of adulto. Malesa por yega na cualkier persona, pa e motibo a acerca Fundacion Koningin Wilhelmina Kanker Funds pa asina duna mas informacion.

Sra. Lily Prins di e fundacion ta bisa cu tur sorto di cancer por yega na porta di cualkier persona sin importa nan edad ‘awendia no por bisa mas’. Antes tabata mira den persona cu tin un edad avansa.

Den caso cu e persona por ta hoben mucho biaha nan tin berguensa of miedo di acerca un fundacion of pa bay dokter anto ta pone cu e cancer por avansa. Pero Prins ta bisa cu nan por yega e fundacion sin e miedo pa por haya e ayudo cu nan mester.

E fundacion ta yuda si mester manda e pashent den exterior y cu e gastonan ‘ora nos bisa cu nos gasto ta halto’. Pa e motibo e fundacion ta haci actividad pa por cubri e gasto pa por keda funciona y brinda nan servicio.

E ta bisa tambe cu e boluntarionan ta haci nan ‘bon trabou’. Na enfermeronan cu ta keda wak pa pashent te na ultimo momento. Sinembargo Prins ta remarca cu e porcentahe di pashent cu ta bay opera afo mayoria ta keda na bida. Mayoria cu ta sali bay exterior ta pasobra nan a opera aki na Aruba.

“Nan ta yega na porta pa yudansa den nan fase terminal. Ora nan ta yega e fundacion por te na final.” E ta remarca cu tin pashent cu a opera cu nan 70 aña di edad y ainda ta na bida. Mucho biaha e pashent ta yega e fundacion ta pasobra nan kier yudansa urgente. E ta bisa cu e ta ofrece e yudansa manera boluntario y di curason.

“Ami ta duna servicio 24/7 tur ora cu hende tin problema, ora cu e malesa bati na bo porta bo sa kico e persona ta pasa aden”, Prins a finalisa bisa.

Comments

comments